Маълумки, Бағдод туманидаги “Мурувват” кичик саноат зонасида истиқболли лойиҳалари билан кўплаб аҳолига иш ўрни яратиш асносида яхшигина даромад кўраётган тадбиркорлар талайгина. Аммо, инвестиция лойиҳаларини ишга туширишда ва улардан фойдаланиш бўйича масъулиятсизлик қилаётган тадбиркорлар ҳам йўқ эмас.

Бугун туман ҳокими Ғанижон Солиев КСЗ ҳудудида лойиҳа ташаббускори бўлиб ажратилган ер участкаларида белгиланган инвестициявий ва ижтимоий мажбуриятларни ўз вақтида бажармаган тадбиркорлар билан айни шу мавзуда суҳбатлашди.

Аввало, иш бошлашга тўсқинлик қилаётган омиллар кўп маротаба ўрганилгани, ҳал этиб берилаётганига қарамасдан айрим тадбиркорлар сусткашликка йўл қўяётгани қаттиқ танқид остига олинди. Хатто, инвестициявий ва ижтимоий мажбуриятлари бажарилмаган тадбиркорга ажратилган ер участкаларидан фойдаланиш ҳуқуқи Қонун талабларига асосида бекор қилиниши эслатиб ўтилди.