“Dolzarb 90 kun” dasturi doirasida Farg‘ona davlat universiteti Sport faoliyati fakultetida Beruniy, Tabassum, Muruvvat, Kimyogar, Mehribonlik va Mash‘al mahallalari yoshlari o‘rtasida «Xavaskorlar ligasi» stritbol bahslari o‘tkazilmoqda.

Mazkur musobaqalar yoshlarning bo‘sh vaqtini mazmunli tashkil etish, ularni sog‘lom turmush tarziga moslashtirish hamda mahallalarda sport jamoalarini shakllantirishga xizmat qilmoqda.

“Dolzarb 90 kun” doirasida sport, madaniy-ma’rifiy tadbirlar va turli musobaqalar yoshlarni jismonan chiniqtirib, ularning ijtimoiy faolligini oshirishga katta hissa qo‘shmoqda.

Stritbol bahslari esa yoshlarda do‘stlik, jamoada ishlash ko‘nikmasini mustahkamlash va sportga bo‘lgan qiziqishni yanada kuchaytirmoqda.