Xabaringiz bor, Maktabgacha va maktab ta’limi vazirligi tashabbusi bilan umumiy o‘rta ta’lim maktablarining 15 yoshli o‘quvchilari o‘rtasida “Bilimdon o‘quvchilar” tanlovi bo‘lib o‘tgan edi.
Bugun Qo‘shtepa tumanidagi 17-umumta’lim maktabida mazkur tanlovning ikkinchi bosqichi g‘oliblari hamda PISA xalqaro tadqiqotida yuqori natija ko‘rsatgan o‘quvchilarni tantanali taqdirlash marosimi o‘tkazildi.
Taqdirlash marosimida tuman hokimi A.Abdullayev va viloyat maktabgacha va maktab ta’limi boshqarmasi boshlig‘i Sh.Dolimovlar ishtirok etdilar.
Tadbir doirasida eng yuqori natija ko‘rsatgan o‘quvchilarga tuman hokimligining tashakkurnomalari va esdalik sovg‘alari topshirildi.