Dang‘ara tumani hokimi tuman IIB boshlig‘i hamda tuman prokurori o‘rinbosari maxalla xotin-qizlar faollari, imom xatiblar hamda otin oyilar bilan uchrashdi.

Uchrashuv boshida O‘zbekiston Respublikasi Prezidentining “2025 yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”gi PQ-1-son qarorining mazmun-mohiyati keng tushuntirilib o‘tildi.

Mahallalarda ayollar va ishsizlar tomonidan, shuningdek, oila-turmush munosabatlari doirasida sodir etiladigan jinoyatlarning oldini olish, aholining huquqiy ongi, ijtimoiy faolligi va fuqarolik mas’uliyatini oshirish, jinoyat sodir etilishiga sabab bo‘lishi mumkin bo‘lgan ijtimoiy muammolarni hal etishga jamoatchilik vakillari, nuroniylar va mahalla faollarini keng jalb etib borish bo‘yicha tavsiyalar berib o‘tildi.